Lurralde burujabeak: Ekonomia Soziala eta lurraldea

"Lurralde burujabeak: Ekonomia Soziala eta lurraldea" jardunaldia antolatu dugu martxoaren 1erako. Arantzazun (Oñati) egingo dugu 9:00etatik 14:00etara eta izen-ematea doakoa da. Orrialde honen azpikaldean eman dezakezu izena.

Jardunaldi honen helburua ekintzailetza sozial kooperatiboa, kooperatibismoa eta Ekonomia Soziala orokorrean sustatzeko hiru begirada edo eskala lantzea da:
  • Herri mailan: Zer egin daiteke herri batean? Zer Udaletatik? Zer herri ekimenetik? Zer egin dezakegu elkarrekin? Proiektu publiko komunitarioak sustatu daitezke? Nola?
  • Eskualde mailan: Zer egin daiteke eskualde mailan? Zein esperientzia edo eredu ezagutzen ditugu? Zein da egiten duten ekarpena?
  • Euskal Herri mailan: Zer ari dira egiten Euskal Herri mailako sare kooperatiboetatik? Zer egin daiteke? Zeintzuk dira etorkizuneko erronkak? Zein behar ditugu?
Jardunaldia: Lurralde burujabeak: Ekonomia Soziala eta lurraldea

EMAN IZENA JARDUNALDIAN

Jardunaldian izena emateko epea amaitu da honezkero.